Saturday, August 11, 2012

Bakit Ikaw Pa


Sa dinami-dami ng tao dito sa mundo
Bakit ikaw pa ang napili ng puso kong ‘to
Ikaw palagi ang laman ng utak ko’t isip
Kung makikita kita, dibdib ko’y naninikip.

‘Pag nakatabi kita ‘di ako makagalaw
‘Pag ikaw ay sumasayaw ng ating eksersays
Magaling kang sumayaw, parang ako’y matunaw
Parang ‘di na ako kailangang mag-eksersays.

Bakit ganito ang naramdaman ko sa iyo
Buti pa ang bike mapigilan dahil may preno
Ang cellphone na lolobat dahil wala ng laman
Ba’t ang puso ko sa iyo, ‘di ko mapigilan.

Kayang-kaya kitang buburahin sa isip ko
Ba’t ‘di ko kayang palabasin ka sa puso ko
Ganito ba ang tinatawag nilang pag-ibig
‘Yan palagi ang lumalabas sa aking bibig.

Pero ano ba talaga ang katangian ko
Ako ay umiibig sa parehong uri ko
Ang palaging tintanong ko, ano ba ako.
Ako ba’y tama o mali ang ginagawa ko.

Ayon sa ‘king matalik na mga kaibigan
Meron daw akong technical error sa ‘king utak
Sabi nila sa ‘kin, biro lang daw nila iyon.
Pero totoo siguro, utak ko’y nataktak.

Hindi ako umaasa na maging tayo
Kung mabasa mo man ang aking tulang ito
Ito’y ihahandog ko para lamang sa iyo
‘Di mo man malaman, ako’y humahanga sa ‘yo.

Ako ay nagpapasalamat ng lubos sa ‘yo
Na ikaw ay nagiging bahagi ng buhay ko
Kahit sa panaginip ko lang, ika’y makita
Ako ay kontento na at masayang-masaya.

No comments:

Post a Comment